Nanginginig ang aking kamay nang mahawakan ko ang baril. Hindi ko maialis ang tingin dito. Hindi rin nililiban ng katanungang kaya ko ba siyang patayin ang akin isipan.
Nagulat ako nang hawakan niya ang kamay ko at hilahin iyon papalapit sa kanya. Itinutok niya ang dulo ng baril na hawak ko sa kanyang dibdib kung saan nakaposisyon ang kanyang puso.
Halos kapusin ako ng hininga dahil sa ginawa niyang iyon. Nanlalaki ang aking mga matang tumingin sa kanya. Terror is written all over my face while he, on the other hand, is wearing his usual smirk.
“Shoot me, Adira,” panghahamon niya sa akin.
Ramdam ko ang panginginig ng buong katawan ko dahil sa kanyang sinabi. Muli kong ibinalik ang tingin ko sa baril. Kapag kinalabit ko ang gatilyo ng baril, paniguradong ikamamatay niya.
Ito na iyong h
