Bumukas ang elevator nang makarating kami sa ibabang floor lamang ng penthouse. Hindi ko pa alam kung sino bang unang dapat lumabas sa amin ng elevator nitong kasama ko.
Napatingin siya sa akin at iginaya ako papalabas. Tipid akong ngumiti sa kanya at lumabas ng elevator. Sinundan niya naman ako kaagad.
“This way, Ma’am.” Naglakad siya sa kabilang bahagi. Sumunod ako sa kanya at lumiko sa kanto ng pasilyo.
Natanaw ko sina Sir Hati. May kasama siyang tatlong lalaki. Ang isa ay nakasuot ng isang black suit kagaya nitong kasama ko at ang isa ay pormal na pormal, tila manager. Ang isa naman ay iba ang suot na damit.
Tumigil kami nang makalapit kami sa kanila. Kaagad napatingin sa akin si Sir Hati.
“Adira, this is the manager of the condominium and the floor caretaker,” pagpapakilala ni
