EKSAKTONG bubuksan na ni Raizer ang pintuan nang muling magsalita si Khrysstyna.
“Raizer!”
Agad na lumingon si Raizer.
“Mahal mo ba ang kaibigan ko?”
Hindi alam ni Raizer kung paano sasagutin ang tanong nito. Mahal ba niya si Kaye? Alam niyang hindi. Pero hindi niya kayang sabihin iyon ng diretso kay Khrysstyna. “I’m willing to compromise,” wika na lang niya.
Tumaas ang isang kilay ni Khrysstyna. “Well, that’s good enough to hear.”
Tumango si Raizer bago siya lumabas.
Paglabas niya ng ospital ay ilang minuto muna siyang nakaupo lang sa driver seat. Ni hindi niya alam kung ano ang susunod na gagawin. Gusto niyang puntahan ang ina sa Dasmariñas Village lalo na at mag-aalas-sais na ng gabi. Kung uuwi pa siya ng Batangas ay siguradong gabing-gabi na siya makakarating doon. Kaya lang a
