ILANG minutong nakatitig lang sa kawalan si Raizer habang nag-iisip kung ano ang gagawin niya. Maya-maya’y may pumasok na ideya sa isip niya.
Hinanap niya sa phonebook ang numero ng kapatid saka mabilis na tinawagan ito.
Dalawang ring lang ang dumaan saka may sumagot sa tawag niya.
“Raizer! Napatawag ka. May kailangan ka ba?”
“Kuya Railey, thanks at sumagot ka agad,” masayang wika niya. Isang oras lang naman ang tanda nito sa kanya. Pero nakasanayan na niyang tawagin ito at si Raiden na Kuya.
“So, what’s up? Kumusta ang honeymoon?”
Napa-buntonghininga si Raizer. Parehong hindi naka-attend ng kasal niya ang dalawang kapatid. May emergency board meeting si Railey sa Antigua Navigations. Si Raiden naman ay hindi maiwan si Bettina na sa ospital ng araw na iyon. “May problema. Pero sak
