“HINDI MO na kailangang gawin ito, Kaye,” pigil ni Raizer sa asawang nagbubutones ng suot nitong polo.
“Huh? Okay lang. It’s a wife’s duty, hindi ba?” nakangiting sabi ni Kaye habang patuloy ito sa ginagawa. “O, mag-tuck in ka na,” wika pa niya nang maibutones na ang lahat. Pagkatapos ay tinalikuran niya ang asawa at kinuha ang necktie at coat nito.
Nang balikan niya ang asawa ay inaayos na nito ang pagkaka-tuck-in ng polo nito. “Here’s your tie,” ani Kaye sabay abot sa necktie ng asawa.
Kinuha ito ni Raizer at ikinabit sa polo nito.
Pinanonood naman ni Kaye ang asawa sa ginagawa nito. Nang hindi siya makatiis ay ibinaba niya ang coat sa ibabaw ng kama saka tinulungan ang asawa sa pagkabit ng necktie nito.
“Hindi ka pa ba papasok ngayon?” kunot noong tanong ni Raizer sa kanya.
Umili
