NAGPAPALATAK na napapailing si Xyrus. “Iyan na nga bang sinasabi ko sa iyo noon pa. Walang kaamor-amor si Tita Margarita kay Anna. Kaya hindi talaga sila magkasundo. Sana umiwas na lang ang ex mo sa kanya.”
Napabuga ng hangin si Raizer. “As if naman mapipigilan si Anna sa gusto niyang gawin. Kapag pinipigilan ko siya lalo lang niyang ginagawa.”
“Huh? Tapos hinahayaan mo na lang. Hindi ka ba concern kay tita? Mas mahalaga pa ba sa iyo ang ex mo kaysa sa sarili mong ina?”
Marahas na umiling si Raizer. “Hindi naman sa gano’n, bro. Kaya lang mahirap kausap si Anna. Hindi siya basta-basta sumusunod. Saka kung wala akong concern kay mama, hindi na sana ako pumayag na magpakasal kami ni Kaye. Pumayag nga ako sa gusto niyang mangyari kahit ayaw ko,” katuwiran niya.
Muli siyang nilingon ni Xyru
