“BAKIT BA kasi ako pa ang kailangang magsundo sa iyo? Wala ka bang driver, ha?” Halata ang iritasyon sa pagmumukha ni Xyrus habang sinasabayan sa paglalakad si Raizer.
“May driver naman ako. Pero sinundo ni Manong Lito si Kaye sa Laguna. Kung hihintayin ko pa sila baka mamaya pa ako makaalis dito. Kaya sa iyo ako nagpasundo,” paglilinaw ni Raizer.
“Bakit ba kapag may kailangan ka, ako ang lagi mong inaabala, ha? Alam mong busy akong tao. Tapos ako pa talaga ang iistorbohin mo,” nakasimangot na saad ni Xyrus.
“Pasensiya na, bro. Ikaw lang naman ang bestfriend ko. Kaya ikaw lang ang matatakbuhan ko. Hindi bale babawi din ako sa iyo balang araw,” pampalubag loob ni Raizer. Tinapik pa niya sa balikat ang kaibigan.
Tumaas lang ang sulok ng bibig ni Xyrus sa sinabi niya. “Saan kita ihahatid
