“HELLO!” bungad ni Raizer nang tawagan ang numero ng kanyang asawa.
“Raizer?”
“Oo, ako nga. Nakauwi ka na ba ng bahay?” usisa niya.
“Kararating ko lang. Nasaan ka? Bakit iba itong numero na ginagamit mo? Naka-roaming ka ba?”
“Hindi ako naka-roaming. Nandito ako sa Dasmariñas. Binisita ko si Mama.”
“Ha? Ibig sabihin nakauwi ka na? Kailan ka pa dumating? Bakit wala kang sinasabi?”
“Pasensiya na. Nagpasundo na lang ako kay Xyrus kanina at nagpahatid dito. Nag-aalala rin kasi ako kay Mama.”
“Ah, okay. Nagulat lang ako. Pasensiya na rin.”
Napa-buntonghininga si Raizer. “It’s okay. Ako dapat ang humingi ng dispensa kasi hindi ko nasabi sa iyo na uuwi na ako. Nawala kasi sa isip ko dahil nagmamadali akong makauwi. I’m sorry.”
“Walang problema sa akin. Alam ko naman na dapat unahin mo an
