HINDI gaanong nakatulog si Raizer nang nagdaang gabi kaya maaga siyang nagising ng umagang iyon. Ngunit laking gulat niya nang mapansin na wala si Kaye sa higaan nila. Nang mapatingin siya sa wall clock ay alas-kuwatro pa lang ng umaga.
Nagkakamot ang ulong bumangon siya. Lumapit siya sa pintuan ng banyo at pinakinggang mabuti kung may tao sa loob. Pero wala siyang marinig.
Saan nagpunta ang asawa niya sa ganitong?
Napatingin siya sa French door. Lumapit siya rito at sumilip sa labas. Madilim pa ang paligid. Wala rin si Kaye sa balcony.
Nag-aalalang lumabas siya ng kuwarto. Mula sa second floor ay tumingin siya sa baba. Bukas na ang ilaw sa sala. Ibig sabihin may gising na sa mga kasambahay nila. Tinungo niya ang hagdan at bumaba.
Walang tao sa sala. Balak sana niyang dumiretso sa k
