KUSANG bumukas ang gate nang tumapat ang sasakyan ni Achilles dito. Tuloy-tuloy sa pagpasok ang sasakyan hanggang sa kusang huminto ito sa tapat ng mala-palasyong tahanan.
Si Achilles ang unang lumabas ng sasakyan. Saka ito umikot at pinagbuksan siya ng pintuan. Pagkababa niya ay manghang nakatitig siya sa napakalaking tahanan.
“Kaninong bahay ito?” nagtatakang tanong niya kay Achilles.
“Diyan nakatira ang mga ninuno ng Mama ni Ulysses,” tugon nito.
Nauna itong lumakad palapit sa bahay kaya napilitan siyang sumunod dito. Eksaktong nasa tapat na sila ng malaking pintuan nang bigla na lang itong bumukas.
Gulat na napatingin siya kay Achilles lalo na nang mapansin niyang wala namang tao na nagbukas ng pintuan.
“Tara na,” untag ni Achilles sa kanya at nauna na itong pumasok.
Hindi ag
