"ANONG gusto mong regalo sa birthday mo? Ilang araw na lang at twentieth birthday mo na," wika ni Justin kay Shine habang nasa biyahe sila pauwi galing sa school.
"Boyfriend... Gusto kong maranasang magkaroon ng boyfriend," sagot ni Shine sa tanong niya at narinig niya ang pagsinghap nito nang bigla niyang ihinto ang sasakyan.
Hindi makapaniwalang tumingin ito sa kanya pero seryoso niya lang itong tiningnan. Hindi niya nagustuhan ang sinabi nito. Damn!
"Hindi ka pa pwedeng magkaroon ng boyfriend. At dadaan muna sila sa mga kamay ko bago sila makalapit sa'yo. Kailangan muna nilang pumasa sa'kin," seryosong wika niya.
Nagsalubong ang kanyang mga kilay at umigting ang kanyang bagang. Hindi niya basta hahayaang magkaroon ito ng kasintahan at kung may susubok man na ligawan ito ay dadaan
