TULAD ng gusto ni Shine, simple lang niyang idinaos ang kanyang kaarawan. Nagkaroon nang munting salo-salo kasama ang pamilya Aragon at sobrang saya niya ng araw na iyon kahit na hindi niya kasama ang dalawa niyang kapatid at ang tiyahin niya. Hindi naman siya nakalimutang batiin ng mga ito at malapit na rin naman silang muling magsama-sama, ilang buwan na lang.
Nakatanggap din siya ng mga regalo galing sa mag-asawang Aragon pero ang hindi niya inaasahan ay ang natanggap niyang regalo galing kay Justin. Pahahalagahan at iingatan niya ang kuwintas na galing sa binata hindi dahil sa mahal na presyo nito kundi dahil galing iyon sa bespren niya, sa lalaking lihim niyang minamahal.
Hapon na nang idaos nila ang kanyang kaarawan dahil may pasok sila ng binata ng araw na iyon at nasa trabaho nam
