BUMALIK ka na rito sa bahay, bespren. Wala na akong katabing matulog, miss na kitang amuyin at yakapin. Miss ko na nang sobra ang bespren ko...
Napailing na lang si Sunshine nang mabasa ang text message galing kay Justin. Hindi na niya mabilang kung pang-ilan na iyon sa mga mensahe na ipinadala ng binata mula noong pansamantala muna siyang bumalik sa bahay ng tiyahin.
Ilang araw na siyang wala sa bahay ng mga Aragon dahil pinakiusapan siya ng tiyahin na manatili muna sa bahay kasama ang mga ito habang may inaayos pa para sa pagbalik ng mga ito sa Pilipinas.
Gusto ng mga itong makasama siya habang hindi pa ang mga ito umaalis dahil medyo matatagalan pa bago siya makasunod sa mga ito sa Isla Montellano kung nasaan ang dalawang kapatid niya. Siya rin ang nagsisilbing bantay sa mag-iisang
