HINDI ko alam kung matutuwa ba ako sa laman ng drawer na iyon. Kaya pala hindi ko kaagad mahila ay dahil may isang malaking lagayang lata. May siwang at hindi nakalapat ang takip kaya't noong pagbukas ko ng drawer ay tuluyang natanggal ang takip at nakita ko ang laman ng loob. Noong una akala ko ay butter cookies ang laman ngunit nang lapitan ko ay iba ang tumambad sa akin. Kung ang ibang tao ay mga gamit sa pananahi ng nilalagay doon o sewing kit, iba si Stefano.
"Ang dami namang pwedeng ipunin, bakit naman veinte cinco centimos pa! Hindi mo man lang ginawang limang piso, Stefano!" Sinalat ko pa ang mga barya at tiningnan kung mayroon ba sa loob na ibang denomination ngunit wala. Mukhang wala akong choice kung hindi pagtiyagaan ang mga baryang inipon niya.
Alam kong masamang mainis dahi
