Mabuti na lang talaga at masquerade party ito. Nakamaskara ang lahat at alam kong hindi niya ako makikilala.
Pero posibleng makilala niya pa rin ako, nakilala ko nga siya.
"Huwag kang assuming, Katarina," saway ko sa sarili. "Masyado ka lang apektado sa kanya kaya kahit boses niya ay nakatatak na sa sistema mo."
Mukha na akong baliw dahil kinakausap ko na ang sarili ko. Mabuti na lang maingay at nakatutok ang lahat sa harapan. Walang makakapansin sa kapraningan ko.
Nabalik sa harapan ang atensyon ko nang humiyaw ang mga nanonood. Napataas ang kilay ko nang makitang may babaeng sumasayaw na sa harapan ni Harrison. Pop yata ang kinakanta niya kaya medyo mapapaindak ka talaga sa kanta. Idagdag pang ang ganda ng boses niya, napaka-sexy.
Humiyaw ulit ang mga nanonood nang hinawakan ng bab
