NAKANGISI si Death habang patuloy na nagsasagwan kasama sina Neo at Eon. Nasa kalagitnaan pa lang sila ng lawa at sa hindi maipaliwanag na dahilan ay tuwang-tuwa sila.
"Sabi ko naman sa inyong dalawa... May dahilan kung bakit mumurahing bangka ang binili ko. Kehahaha!" pagyayabang ni Death sa dalawa. Pero ang totoo'y hindi rin niya akalaing malalampasan nila ang mga monster na naglitawan sa kanilang dinaanan.
"Talaga Boss? Parang niloloko mo lang kami e," sabi naman ni Neo at tumango naman si Eon.
"Kung ihulog ko kaya kayo rito?" pananakot naman ni Death, dahilan para tumahimik ang dalawa. Nagpatuloy na rin sila sa pagsagwan. Pero sa paglalakbay nila ay biglang gumalaw ang tubig sa unahan nila. May lumalabas ding bula at parami ito nang parami.
"B-boss? Ano kaya 'yan?" tanong ka
