DAHAN-DAHANG iminulat ni Nigito ang mata niya. Napakabilis ng mga nangyari. Kanina lang ay nasa Elves Lake lang siya, ngayon ay nasa kung saan na siya.
"Teka!" Napabangon agad siya nang maalala ang mga kasamahan. Pero nabigla siya nang napaikutan siya nang mga players. Mabilis niyang hinugot ang kanyang espada. Hindi niya mabilang kung ilan ang mga ito.
"Nasaan ako?" tanong agad ni Nigito.
"Cool ka lang. Wala kaming gagawin sa 'yo. Wala rin namang mangyayari kung i-PK ka namin dito..." Isang lalaking archer ang biglang lumapit sa kanya. Nakasuot ito ng armour at may isa pang maliit na espada sa tagiliran.
"A-ano'ng ibig n'yong sabihin Sir?" tanong ni Nigito na dahan-dahang ibinaba ang kanyang espada.
"Dahil pare-pareho tayong bihag dito... Block din ang teleporting sa lugar na ito.
