NAPATALON dahil sa saya si Yuri nang manalo ang ate Asuna niya. Napangiti naman si Nami, masaya rin si Kaji dahil sa parehong pagpasok sa semi-finals ng tournament ng dalawa niyang kaibigan.
Samantala, seryoso namang pinagmamasdan ni Kinji si Asuna habang naglalakad sa battle arena. Pinagmamasdan niya ang espada sa tagiliran ng dalaga.
"Bloodsword ang kay Kuzuna. Dragon Scale Sange ang kay Shitomi... Hindi na biro ang maliit nilang grupo. Habang tumatagal, nagiging malakas sila..." seryosong sabi ni Kinji sa sarili. Napangiti na rin siya nang bahagya.
AGAD na nag-apiran si Asuna at Nigito nang makabalik ang dalaga sa headquarters.
"Yesss!" Nakangiti pa ang dalawa dahil sa mga nangyari.
"Nakita mo ba ang ginawa ko?" tanong ni Asuna na may halong pagyayabang.
"Ang alin? Parang wala ka
