"Zion," nakangiti pero walang buhay na bati niya dito. "Hello po Tita, Tito," bati naman niya sa mga magulang nito ng tuluyan na itong nakalapit sa kabaong ng kanilang Lola.
Binati din naman ni Zion ang mga ito.
"Nakikiramay kami hijo, hija, sayang konting panahon lamang kami nagkakilala ng inyong lola," wika ng Mommy ni Zion.
"Maraming salamat po Tita, maupo po muna kayo." wika niya sa mga ito at inilahad niya ang upuang nasa may unahan. Naupo naman ang mag-anak at nakipagkwentuhan siya sa mga ito.
Si Ace naman ay nanatili lamang sa upuang nasa tabi ng kinalalagakan ng kanilang lola. Katabi niya si Zion at nakikita niyang panaka-nakang tumitingin sa kanila si Ace. Tila naiinis ito pero wala namang magawa dahil hindi naman ito pwedeng gumawa ng gulo. Inalok niya ng pagkain ang mga
