HARRY’s POV
Shit.
Shit.
Shit.
Hanggang ngayon, hindi pa rin ako makapaniwala sa impormasyong ibinigay ng ninong ni Apollo tungkol kay Trixie. Sino ba naman ang mag-aakalang pulis pala ‘yung payatot na 'yun? Oo. Magaling siya sa self-defense pero s**t lang talaga, ayaw maniwala ng utak ko, eh.
Tinignan ko ang hawak kong bote ng isang syrup. Hindi ito ordinaryong gamot lang. Kinailangan ko pa ang tulong ni Vince na may koleksyon nito para sa misyon ko ngayong araw na ito. Kagabi, napagtanto ko na hindi habambuhay na maitatago ko si Trixie sa unit na ito. Kahit papano gusto ko na malaya pa rin siyang nakagagalaw at nakakapunta sa gusto niyang puntahan. Ngunit ayaw ko namang mawala na lang ako nang basta-basta sa buhay niya at siya sa akin. Alam kong hindi lang s*x ang habol ko sa kanya.
