ELLA
“HEY, DID I MISS SOMETHING?” Muling tanong ni Vincent.
Hindi ako sumagot. Dahil hindi ko alam kung anong isasagot ko.
“Ella, Lo?” Untag nito at muling nagpalipat-lipat ang tingin sa aming dalawa. “May problema ba?”
“Wala, Hijo.” Nakangiting sagot ni Lolo Carlos.
“Sure?”
“Oo naman. Paalis kasi itong si Ella papunta sa talipapa, kako kung ayaw niyang magpasama sa ‘yo para mas mapadali siya. Sabi niya ‘wag na raw dahil maaabala ka pa sa trabaho mo.”
“Oh, ngayon na ba aalis, Lo?”
“Sana.”
“Okay. Give me five minutes, magpapalit lang ako ng damit ko. Ang sagwa yatang pumunta ng talipapa na ganito ang suot ko.” Natatawang sabi nito.
Maging kami ni Lolo ay natawa dahil totoong masagwa kung pupunta siya ng talipapa na naka-three piece suit ang pang-itaas tapos nakamaong shor
