ELLA
HABANG NAGSASALITA si Dr. Santiago tungkol sa kalagayan ni Lolo Carlos, hindi ko maiwasang mabahala at magtaka na rin. Paanong hindi ako magtataka, noong huling check up niya sa alaga ko ay puro goods ang sinasabi niya na kesyo walang dapat ipag-alala sa kalusugan nito basta palaging nasa tama ang pag-inom ng mga gamot. At sa loob ng ilang taon kay Lolo Carlos, ang pagpapainom ng gamot ang hindi ko maaaring kalimutan.
Napakaresponsable ko sa mga gamot ni Lolo Carlos. Kaya nakapagtataka na biglang ang daming masakit dito.
Sa stressed nga raw, ‘di ba?
Eh ba't parang hindi naman siya stressed? Biglang-bigla nga iyong pagkakahimatay niya, e.
Makinig ka na lang sa sinasabi ng doktor, Ella. Para akong loka-loka na tahimik na nakikipagtalo sa sarili ko.
Kasalanan talaga ‘to ng Vin
