ELLA
NAGISING AKO sa hindi kaaya-ayang pakiramdam. Masakit ang ulo na parang umiikot ang paligid ko. Nang imulat ko ang mga mata ko, parang lalong umikot ang paligid kaya muli akong pumikit.
Nahilot ko ang sintido ko.
Ano ba'ng nangyayari sa aki— kusa akong natigilan nang unti-unting bumalik sa isip ko ang mga ginawa ko habang wala si Vincent. Hindi ako naglinis kagaya ng utos niya bago ako iniwan. Ano bang ginawa ko maghapon?
Kumain nang kumain at nag-movie marathon. At nang mainip at manawa sa panunuod, pinakialaman ko ang mga alak niya. Nag-inom ako para makabawi sa inis sa kaniya.
Pero bakit sobrang bangag ng pakiramdam ko? Tatlong bote lang naman ang nainom ko, a. Tapos maliliit pa. Napapangiwing nag-inat-inat ako habang mariing nakapikit.
“Ayy, ouch!” hindi napigilang usal
