ELLA
HABANG NAKATAPAT sa malamig na tubig mula sa shower, napangiti ako. Natutuwa talaga ako kay Valeen dahil sobrang bait niya sa akin. Katunayan, sinabihan niya akong matulog ulit pagkatapos naming magkuwentuhan kanina, at siya na lang daw ang magbabalik sa dating ayos ng bahay ng kapatid niya. Pero siyempre, hindi naman gano'n kakapal ang mukha ko para hayaang siya ang maglinis ng kinalat ko.
O, sige. Kung ayaw mo na talagang matulog, maligo ka na lang para mahimasmasan ka na. Naalala ko pang sabi niya kaya narito ako ngayon sa banyo ni Vincent at naliligo.
Salamat, Lord, sa isang Valeen. Piping pasalamat ko habang nagsasabon ng katawan.
May kinse minutos yata akong nakatapat sa malamig na tubig bago nagdesisyong tapusin na ang pagliligo. At habang nagtutuyo ng katawan, hindi ko
