ELLA
“IYONG tatlong folding table dalhin n'yo rito, Kuya Ricky.” Narinig kong utos ni Vincent sa isang staff niya na nasa edad kuwarenta siguro.
“Sige, Boss V.” Sumunod ito kaagad.
Maya-maya'y inutusan din ni Vincent ang dalawang staff na tawagin ang taga accounting department para makakain rin.
“Ang sarap talaga kapag Kelly's, panalong-panalo ang lasa. Sa sobrang mahal ng pagkain sa restaurant na ‘yon parang 2 years ago pa nang last akong makakain doon.” Hindi mapigilang komento ni Katherine habang kumakain.
“Masarap nga,” komento ko rin matapos tikman ang buttered shrimp na ibinigay ni Vincent kanina.
Para akong teenager na kinilig dahil nalaman ng crush ko kung ano ang favorite ko. Pero siyempre, hindi ko ipinakitang tinamaan ako sa ginawa niya. Nagkunwari akong walang na-feel
