ELLA
BUSOG na kami ng pamilya ko sa mga pagkaing inihanda nila, pero hindi pa rin pumapasok ng komedor si Vincent para kumain.
Malamang hindi iyon sasabay sa inyo. Anang kabilang bahagi ng isip ko.
Allergy siya sa pamilya ko o mas tamang sabihin na sa akin lang. Kitang-kita naman sa mga mata niya ang disgusto kapag nahuhuli kong nakamasid sa akin. Kahit sa hospital, alam kong binabantayan niya ang bawat galaw ko. Lalo na pagdating sa abuelo niya na akala mo'y palagi akong may gagawing hindi maganda.
Karamihan talaga sa mayaman mas'yadong matataas ang tingin sa mga sarili nila kaya kung makapanghusga sa mas mabababa sa kanila, akala mo'y nabili na nila ang mundo—” Nagulat ako nang may tumapik sa kanang braso ko. Si Elma. “Bakit?”
“Kinakausap ka ni Lolo Carlos, pero hindi ka naman
