KABANATA 21
Lolokohin ko lang ang sarili ko kung sasabihin kong matiwasay ang isip ko.
Dumagdag pa sa pagkagulo ng isip ko ang ginang na iyon sa reception kanina. Tila ba nag-iwan siya ng mystery puzzle sa utak ko na hindi ko alam kung paano bubuuin.
Ako nga ba talaga ang pakay ng ginang na iyon o baka naman napagkamalan lang niya ako? Wala naman sa hitsura ng ginang na iyon kanina ang pagiging komedyante. Hindi rin naman siguro iyon prankster. Kasi ano ba naman ang mapapala niya matapos niya akong balaan ng ganoon kaseryoso?
Tapos sinabi pa talaga niyang ako raw ay isang legitimate na tagapagmana ng mga De Blasio. Sa palagay ko rin ay baka wala sa katinuan ang ginang pero sa kabilang banda, kung baliw nga ang ginang na iyon ay imposible siyang makakapasok sa hotel na iyon sa higpit n
