IKALABINDALAWANG KABANATA
Nahihirapan akong bawiin ang aking tingin sa tatlong lalaki na seryosong kausap ngayon ni Fire.
Nakatayo ako sa porch, hindi makagalaw. Parang nilagyan ng bakal ang gulugod ko.
Kung ang mga kasama ko rito sa shelter ay lantaran ang ingay dahil sa kilig at matinding paghanga sa mga bisita, ako naman ay parang na-istat’wa. Humahanga lang ako sa tahimik na paraan.
Sino ba naman kasi ang hindi mai-starstruck sa tila mga bathalang tao na ito na dumating dito sakay pa ng isang private chopper? Sa edad kong ‘to ay ngayon lang ako nakakita ng aircraft. Ang garbo-garbo pa, hindi ito mukhang nilipasan ng panahon. Bagong-bago. Ang lapit-lapit pa sa akin. Kinakabahan ako and at the same time ay excited dahil mukhang doon kami sasakay ni Fire. Inakala ko talaga na kotse l
