Makati, Philippines
Prince Point of View
Tatlong araw matapos ang pamamalagi ko sa Amerika mula Pransiya ay nakauwi din ako sa wakas dito sa Pilipinas. Mahigit isang taon din ang nakararaan buhat nang ako ay magtrabaho at mailipat sa Estados Unidos.
Ang isa pang dahilan kung bakit ako nakauwi ay dahil sa may importanteng sasabihin ang nanay at tatay sa akin. Kung ano man iyon ay nais kong makinig at malaman. Pagdating sa airport ay sinundo ako ni Aries dala ang sasakyang niregalo ko sa kaniya.
Sa kaniyang tindig, porma at pangangatawan ngayon ay kita kong nagbunga din ang pinaghirapan niyang maging fit. Pero ang higit na nakaagaw nang pansin ko ay ang mukha niyang kawangis talaga ni Angelo, na boyfriend ni Cez.
Napailing na lamang ako nang makita na niya ako at tumakbong palapit sa
