ANO’NG ginagawa ko rito? Tumiim ang mga bagang ni Matteo habang nakatayo sa tapat ng lumang apartment complex na hindi niya naisip na babalikan pa niya. Pero ilang araw na mula nang mag-usap sila ni Yu sa condo nito at kahit anong pilit ni Matteo hindi niya mabale-wala ang sinabi ng dalaga sa kanya. Kahit ano ang gawin ni Matteo na pambabale-wala sa nalaman ay minumulto pa rin siya niyon hanggang sa puntong naaapektuhan na ang kanyang konsentrasyon sa trabaho. At kahit palaging kinukumbinsi ni Matteo ang sarili na wala siyang pakialam, nararamdaman pa rin niya na para bang may lumalamutak sa kanyang sikmura. Kaya ngayon hindi rin nakatiis si Matteo at natagpuan na lamang ang sariling nasa biyahe papunta roon.
Nakatayo pa rin si Matteo doon nang biglang bumukas ang pinto ng apartment na ti
