“Enjoy your meal, Mam!”
Nakangiting tumalikod si Vera pagkatapos ilapag sa mesa ang dala-dalang food tray.
Itinaas niya ang braso upang silipin ang relo at napaawang ang labi niya nang makita ang oras. Luminga siya sa labas at nakita ang motor na kadarating lang sa parking area na tanaw mula sa glass wall ng fast food restaurant.
Nakangiti siyang tumango nang kumaway sa kanya ang sakay noon at sumenyas na hintayin siya. Pagkatapos ay mabilis siyang pumasok sa kitchen upang magpaalam sa manager.
Kinuha niya ang time card na nakalagay sa sabitan at isinuksok sa bundy clock.
“Nagmamadali ka ba, Vera,” tanong ng store manager nila na nasa likuran na pala niya.
“H-hindi naman po, may ipapagawa pa po ba kayo?”
Sinundan niya ang tingin nito sa counter na mahaba ang pila. Alanganing buma
