“Nay, nandito na po ako,” ani Vera habang papasok sa bahay nila.
Maaga siyang nakauwi dahil nag-cancel ng session ang tutorial niya dahil may lakad daw ang mga ito. Mabuti na rin ‘yon para makapagpahinga siya dahil kinabukasan ay maaga siyang papasok sa catering. Isang debut party ang kailangan nilang service-an sa katabing bayan.
Tinanggal niya ang sapatos at dumiretso sa cabinet sa tabi ng sofa nila at hinanap ang reseta ng gamot ni Aling Rose. Alam niya ay paubos na ang gamot na binili niya noong nakaraang linggo kaya plano niyang sumaglit sa botika bago magpahinga.
“Nay, nakita mo ba ‘yong reseta ng gamot mo?”
Lumingon siya sa gawi ng kusina kung saan narinig niyang nagsalita ito. Napakunot ang noo niya nang tila may kausap ito roon.
“Vera, halika na rito. Gumawa ako ng meryenda
