‘Fiance?’ tanong ng isip niya.
Bahagyang kumunot ang noo niya sa huling sinabi nito. Lumunok siya upang pigilan ang biglang paglukob ng kaba sa dibdib niya.
Tandang tanda pa niya ang pangalan na binanggit nito noon dahil kapareho iyon ng pangalan ng nobyo niya.
Umawang ang bibig niya pero agad din kinagat iyon. Tiningnan niya ito habang maaliwalas ang mukha nitong nakangiti at napasulyap sa kanya.
Napatigil naman ito at unti-unting nawala ang ngiti nang mapansin ang tila paglipad ng isip niya. “Are you okay?” nag-aalalang tanong nito.
Napatingin siya rito at pinilit na ngumiti. “Umm, anak ka ba ng birthday celebrant?” Kinagat niya ang labi habang tahimik na dinarasal na sana ay oo ang sagot nito. Na sana ay kapatid ito ng nobyo niya. Na baka lutang lang siya ng mga sandaling iyon da
