“Hoy! Anong tinitingnan mo riyan?”
Nilingon niya si Kakai saka nakangiting ibinaba ang kamay niya na may hawak sa kwintas na suot-suot niya na kanina pa niya tinititigan.
Humarap siya sa salamin at nagpahid ng polbo sa mukha at inayos ang damit na suot niya.
May interview siya ngayon sa bpo company kung saan nagta-trabaho si Grant.
Isang linggo pa lang ang nakalipas mula nang magpasa siya roon ng resumè at kahapon ay nakatanggap siya ng tawag para sa kanyang exam at interview ngayong araw.
“Humuhugot lang ako ng energy sa lucky charm ko para makapasa ako mamaya,” nakangiting sambit niya na sandaling sinulyapan ito.
Kinuha niya ang suklay mula sa bag habang inaalis ang pagkakapusod ng buhok niya at hinayaang iladlad ang mahaba niyang buhok saka maingat na sinuklay iyon.
“Iba talaga
