“Revas," tawag ko sa pangalan niya. Pinuntahan ko siya rito sa kubo. Hindi ako nagpaalam kay Asher na pupuntahan ko si Revas dahil gusto kong kumain ng buko ngayon.
Pumunta kasi ako sa ibaba pero hindi ko nakita sila Mang Rolly doon kaya dumiretso na lang ako rito.
Nang makita ako ni Revas ay kumunot ang noo niya at mabilis akong sinalubong.
Nagbubunot siya ng mga damo na tumubo sa mga tanim na palay nang dumating ako.
Kailangan daw nilang bunutin iyon para hindi maagaw ang sustansya na dapat sana ay sa palay lang.
Marami silang nagbubunot ng damo. Halos lahat ng tao niya ay kasama niya.
Ilan lang ang nakita kong naiwan dahil sila ang tagahanda ng pagkain ng mga taong nagtatrabaho.
“Why are you here? I told you, I'd be home early, didn't I?”
“Galit ka ba na pumunta ako rito?
