“Anastasia, hindi mo ba talaga ako sasagutin kung sino ang lalaking binanggit mo kanina? Sino ‘yon? Isa ba sa mga tauhan ko, ha? Isa ba sa kanila?”
“Tumigil ka na nga,” saway ko rito. Kanina pa sumasakit ang ulo dahil kahit sinabi ko na nagbibiro lang naman ako ay hindi pa rin siya naniniwala.
Ang babaeng bisita niya ay ipinakuha niya kay Asher para doon muna pansamantalang tumuloy. Hindi kasi pumayag si Revas na doon ako matulog sa labas tapos si Divine ay dito sa loob.
“Magsalita ka na para manahimik na ako! Hindi tayo matutulog ngayong gabi kapag hindi ka nagsalita!”
Kanina pa ako natatawa sa kaniya pero pinipigilan ko lang dahil siguradong mas lalo siyang sasabog sa galit.
Tinakpan ko na lang ng unan ang tainga ko habang nakahiga ako dahil nakakabingi ang boses niya.
“You can'
