“Sigurado ka na ba sa desisyon mo, Ana? Sure ka ba talagang gusto mong umuwi sa bahay niya?” paulit-ulit na tanong sa akin ni Reynold.
Hindi ko dinala lahat ng gamit ko dahil hindi naman ako magtatagal doon.
Gusto ko lang makibalita kanila Asher tungkol sa kalagayan ni Revas at kung malaki ba ang pag-asa na maka-survive siya.
“Sigurado ako.”
“Okay, ganito, ha? Dating gawi tayo. Doon ako dadaan sa long cut para walang makakita sa atin na magkasama. Mauna ka sa akin ng ilang minuto para walang makapansin na sa akin ka nakatira. Tingnan mo ang dinadaanan mo dahil baka madapa ka," masinsinan niyang bilin sa akin.
Tumango ako. Pinauna niya akong maglakad. Nang malayo na ako ay saka siya sumunod.
Sinabihan niya ako na ‘wag akong lingon nang lingon na ginawa ko naman dahil diretso lang
