KAHIT ayaw ni James ay pinilit pa rin ni Alex na maghugas ng mga pinagkainan nila. Ilang beses din siyang sinaway ni Manang Lily. Hindi raw niya kailangang gawin iyon. Pero desidido ang dalaga na ipakita sa fiancé niya na kaya niyang maging mabait katulad ng gusto nito.
Pagkatapos niyang maghugas ng pinggan ay umakyat na si Alex sa silid ni James para kunin ang mga gamit niya. Naisip niya na bumalik na lang sa dating silid na inookupa ni Charlotte. Siguradong ikakatuwa iyon ng binata.
Walang tao sa master’s bedroom nang pumasok ang dalaga. Pero nauulinigan niya ang lagaslas ng tubig mula sa shower room. Mukhang naliligo si James. Hindi niya alam kung gaano pa ito katagal doon. Ngunit kailangan na niyang makalabas agad bago pa siya nito maabutan at makita naman niya ito sa hindi kaaya-aya
