NATIGILAN si Alex at bigla na lang kumabog ang dibdib niya nang marinig ang sinabi ni James. Bigla na naman niyang naalala ang halik na ipinagkaloob nito sa kaniya kanina. Aminado ang dalaga na kahit simple lang iyon pero hanggang ngayon ay hindi pa rin iyon mawala sa isip niya. Ano pa kaya ang halik na kayang gawin ni James na habang buhay niyang hindi makalimutan? Kagaya ng sinasabi nito?
Nagba-blush ang buong mukha na tiningala ni Alex ang fiancé. Napalunok siya nang makita ang serysosong mukha nito. Mukhang hindi ito nagbibiro sa banta nitong iyon. Binawi na lang tuloy niya ang kamay imbes na abutin ang bote ng beer. Hindi pa uli handa ang puso niya na magkasala sa kapatid.
“Cous, chill ka lang.” Hindi na napigilan ni Asher ang mangialam. Tatawa-tawa lang ito at pa-cool pa. “Alex is
