“SAAN ba pumunta ang boyfriend mo, Char? Siya nga ang sadya namin dito, eh,” nakakunot ang tanong ni Noah sa kaniya habang kumakain na sila sa restaurant. Kasama ang mga kaibigan ni James. Hindi pa niya gaanong naiintindihan kung ano ang trabaho ni Noah. Pero sa pagkakarinig niya kanina ay may-ari ito ng isang agency.
At tama nga ang first impression nga kanina dito. Na istrikto itong tao. Napansin ni Alex na kahit ang mga kaibigan ni James ay mas pormal makipag-usap kay Noah kaysa sa fiancé niya na niloloko-loko lang ng mga ito. Siguro dahil ito ang panganay sa triplets.
“Bakit?” interesadong tanong din ng dalaga na may halong kaba. “May problema ba, Noah?” dagdag pa niya sa tono na feeling close. Pero simula kanina ay limitado lang ang bawat salita niya para na rin hindi siya magkamali
