Kanina pa nakatitig si Saraya sa teddy bear niyang si Dwight. Hindi pa rin maalis sa isip niya ang mga sinabi ng kaibigan niyang sina Holy at Mary.
Bukas ay pupunta sila sa ilog para mag-abang sa pagdating ng Ninong niya. Hindi niya alam kung bakit nasasabik siya. Nasasabik ba siya na pupunta muli siya sa ilog o nasasabik siya kung magpapakita nga ang Ninong Dwight niya doon.
Ilang sandali pa siyang tumitig sa teddy bear bago sunod-sunod na umiling habang nakasimangot. “Hindi naman pupunta si Ninong ‘di ba? Ang sabi ni Mama ay baka ayaw na niyang bumisita dito. Tsaka baka hinihintay lang talaga niyang bawiin ni Holy ang phone niya sa akin para hindi na ako makapag text at tawag sa kanya…” tuloy-tuloy na bulong niya at saka nanliliit ang mga matang tinusok-tusok ang magkabilang mata ng te
