Hindi namalayan ni Dwight na napatagal ang tulog niya. Puyat na puyat siya sa nagdaang gabi at hindi naman siya nakaidlip man lang sa opisina dahil sa dami ng trabaho na tinapos niya sa buong maghapon.
Kung hindi pa tumunog ang phone niya para sa tawag ng kaibigang si Calvin ay hindi pa siya magigising para maligo at maghanda sa pagpunta sa advance stag party ng kaibigan nilang si Rome.
Mabilis ang kilos na bumangon siya at agad na sinagot ang tawag nito. Muntik pa siyang mapamura nang makita ang oras. Halos apat na oras ang naging tulog niya. Maghahanda pa siya sa pagpunta at babyahe pa siya ng halos isang oras papunta sa venue kaya imposible talaga na hindi magtaka si Calvin kung bakit wala pa siya doon samantalang kanina pa siya umuwi.
“I’m on my way, Calvin—”
“Shut the hell up, Dwi
