CHERRY’S POV
“Si Keppy ang tagapagmana ng Fuentebella?” Nanggigil ako sa galit habang nakatingin sa kanya.
“Hayop!”
Hindi ko kayang panoorin ang babae na ‘yon habang tuwang-tuwa sa kanya ang mga tao. Tumalikod ako at naglakad palabas.
“Cherry!” tawag ni mommy.
Sinundan nila ako hanggang sa parking area.
“I hate her! I hate her!” sigaw ko.
“Anak, kumalma ka,” wika ni mommy.
“Mom, pinahiya niya ako! Pinagmukha niya akong sinungaling kay Ninong. Paano ako magugustuhan ni Marcus?” Tumutulo na ang luha ko sa galit.
“Huwag ka ditong gumawa ng eksena dahil baka mas mukha tayong kawawa,” wika ni daddy.
“Dad..”
Seryoso tumingin sa akin si daddy. “Umuwi na tayo!”
Tumango ako at sumakay sa kotse ko. Ang magulang ko naman ay sumakay sa kotse nila. Imbes na sa condo ako tumuloy ay umuwi a
