PAGKATAPOS naming magdasal, inalis ng mga serbidora ang takip sa mga pagkain. Ang mga usok sa rito ay agad pumaitaas. Napasulyap ako sa katabi kong si Natalie, nakangiti ang kanyang mukha na para bang wala siyang pinagdadaraanang problema sa buhay. Ang mga serbidora naman kasama ang driver ay hindi maalis alis sa kanya ang kanilang mga paningin.
“Ano nga ulit ang pangalan mo?” tanong niya sa akin nang maibaba niya ang isang hiwa ng karne sa kanyang plato. Sa tingin ko hindi siya katulad ni Penelope at Carmen. Mukha siyang mabait pero hindi pa rin ako papapasiguro. Si Carmen ay naging mabait din sa akin ‘nong umpisa, ngunit lumabas ang tunay na amoy nang tumagal.
“Celestine Zhao,” sagot ko sa kanya. Tumango naman siya.
“Beautiful name,” puri niya. Agad ako namangha nang halos hindi mag
