“Maaari ba akong matulog dito?” tanong sa akin ni Oier na wari naghahanap lang ng kalaro sa gitna ng gabi.
Napasinghap ako sa gulat sa kanyang kagustuhang matulog dito. “Ginoo, naririnig mo ba ang iyong sarili? Hindi maaaring magsama ang ginoo at binibini sa iisang kwarto hangga’t hindi pa naikakasal.” Giit ko sa kanya.
Hindi siya nakinig. Humiga siya sa aking higaan at ginawang unan ang dalawa niyang braso. Lumapit ako sa kanya, ang dalawa kong kamay ay nakalagay sa aking magkabilang beywang. “Ginoo, kung riyan mo gustong matulog ako’y matutulog na lang sa sahig o hindi kaya sa labas ng aking kwarto.”
Napaangat ang kanyang paningin sa akin. Sumilay naman ang ngiti sa kanyang labi, nanunuya. “Doon naman ang ating patutunguhan - ang kasalan.” Lumundag naman ang aking puso. Huminga ako n
