“Di ka pa pala naliligo? Kaya pala amoy maasim,” biro ni Oier. Inipit niya ang kanyang ilong at kunot noong tiningnan si Celestine. Inangat ni Celestine ang kanyang kwelyo at inamoy ito.
“Hindi naman ah!” giit niya at inilayo ang sarili kay Oier. “Diyan ka na, babalik na ako sa aking kwarto.” Patuloy niya. Ikinawit niya ang kanyang twalya sa kanyang balikat. Muli siyang lumingon nang marinig ang halakhak ni Oier. “Hinaan mo ang boses mo, Oier may makarinig sa iyo.”
“Wala na akong pakialam, Celestine. Lalabas din naman ang katotohanan pagkatapos ng patimpalak,” tugon ni Oier. Ang pag angat ng kanyang labi’y hindi pa naglalaho sa kanyang mukha. Natigilan naman si Celestine at hindi agad nakapagsalita. Lalabas ang katotohanan, mangyayari nga iyon. Aniya sa kanyang isipan.
Pilit siyang ngu
