"NASAAN ako?" Inikot ko ang tingin sa paligid ngunit wala akong makita kahit konting liwanag. Madilim ang nakikita ko na kung ihahakbang ko ang paa ko ay baka bigla akong mahulog. Maging ang tinatapakan ko ay hindi ko mawari kung ano. Tila nakalutang ako ngunit mabigat ang pakiramdam.
Sinikap kong ihakbang ang mga ko kahit kumakapa ako sa dilim. Hanggang sa nakakita ako ng maliit na liwanag na kasing liit ng butas sa dingding. Sinundan ko iyon kahit pagod ang pakiramdam ko. Gusto kong uminom ng tubig dahil nauuhaw ako ngunit wala akong makita na kahit ano. Ang nagiging gabay ko lang ngayon ang nakikita kong liwanag. Ito ang naging pag-asa sa madilim na lugar na ito. Habang papalapit ako sa liwanag ay lumalaki na naman ito, hanggang sa masilayan ko ang nagliliwanag na pinto. Kahit ramdam
