KIEFER P.O.V.
Tahimik kaming nakatayo nina Darious at Erickson sa gilid, kasama ang iba pang tauhan ni Draven. Nakapalibot kami sa kanila, at tanging tunog ng malalim na paghinga ang naririnig ko sa paligid. Tapos na kami sa ginawa niyang utos—100 beses naming pinalo si Draven gamit ang latigo, sa harap mismo ng babaeng pinakamamahal niya. Ngayon, pareho na silang walang malay sa harap namin.
Alam ko na walang ibang paraan para mapawi ang galit ni Draven kundi ito. Pero kahit anong gawin ko, hindi ko matanggap ang nakita ko. Hindi ito ang unang beses na nakitang galit si Draven, pero ito ang unang pagkakataon na ipinakita niya sa amin kung gaano kabigat ang kasalanan niya sa babaeng nagpatibok ng puso niya. Sa bawat hampas ng latigo, naramdaman ko ang bigat ng responsibilidad na inilatag
