PAKANTA-KANTA pa si Angelica ng makauwi siya ng bahay. Nadatnan niyang nonood ng tv si Jenyfer sa sala. Agad niya itong nilapitan at niyakap ng mahigpit.
“Anong meron?” kunot-noong tanong nito sa kanya. “Are you in love?” tanong pa nito.
Hindi siya sumagot sa sinabi nito. Tumabi siya sa kapatid.
“Paano kung may taong nagpapasaya sa akin bukod sayo?” balik niyang tanong dito. Hindi agad ito nakasagot sa sinabi niya. Pinagmasdan niya ang reaksiyon nito. “Siguro naman kapag nakilala mo siya ay hindi mo siya tatakutin ano? Tulad ng ginagawa mo sa ibang nanliligaw sa akin,” dagdag niya pa. Noong araw kasi ito ang humaharap sa mga manliligaw niya. Sa edad nitong twenty two masasabi niyang dalagang-dalaga na si Jenyfer. Masasabi niyang higit itong itong maganda sa kanya. Palaayos kasi ito at
