NAPASIMANGOT siya ng sabihin ng kasamahan niya na nasa baba si Kiel at naghihintay sa kanya. Lunch time na ng mga oras na iyon. Akala niya hindi na ito magpapakita sa kanya dahil nakahanap na ito ng bago at maging siya naman ay ayaw na itong makita.
“Hinihintay ka na ng prince charming mo,” ani pa ng kanyang kasamahan sa trabaho na bestfriend niya rin na si Annie.
Tango lang ang isinagot niya sa kasamahan. Hindi tulad ng mga nakaraang araw kapag dinadalaw siya ni Kiel ay lagi siyang nagmamadali pero ngayon ang bigat ng katawan niyang babain ito. Siguro natatakot siyang sabihin nito na ayaw na nito at napapagod na itong maghintay. Takot siyang harapin ang katotohanan. Pakiramdam niya iiyak na naman siya sa takot na mawala ito sa kanya.
“Baka gusto mong magkwento? Nag-away ba kayo?” tano
